भिडियो हेर्न तलको बक्स भित्र किल्क गर्नुहोस
 |
अपहरणमा परेका नयाँ शक्तिका उम्मेदवार मदन गिरी
काठमाडौं, बैशाख २०– स्थानीय तहको निर्वाचनका लागि उम्मेदवार मनोनयन दर्ता गराएका नयाँ शक्ति पार्टीका उम्मेदवार काठमाडौंबाटै अपहरणमा परेका छन् ।
नयाँ शक्ति पार्टी, नेपालको तर्फबाट नागार्जुन नगरपालिका वडा नं. ७ का वडाध्यक्षका उम्मेद्वार मदन गिरीलाई बुधबार बेलुका अज्ञात समूहले अपहरण गरेको नयाँ शक्ति पार्टीीले जनाएको छ ।
बुधबार बेलुका ७ः१२ बजे गिरीलाई काठमाडौंको नयाँबजारबाट ४ जनाको समूहले अपहरण गरेको जनाइएको छ ।
नयाँ शक्ति पार्टीले जित्ने सम्भावना बढी भएको ठाउँ भएकोले पहिलेदेखि नै नयाँ शक्तिका उम्मेद्वारहरुलाई डर, धम्की दिने गरिएको नयाँ शक्तिको आरोप छ ।
नयाँ शक्ति पार्टी, नेपालले जित्ने पक्का भएकोले विपक्षीहरुले उम्मेद्वार अपहरण गरेको केन्द्रीय कार्यकारी सदस्य हिसिला यमीले बताइन् । वडाध्यक्षका उम्मेद्वार गिरीको खोजी कार्य भइरहेको र प्रहरीलाई खबर गरिएको उनले बताइन् ।
यसअघि गोरखाको भीमसेन गाउँपालिका वडा नं. ५ का वडाध्यक्षका उम्मेद्वारलाई पनि उम्मेद्वारी दिए ज्यान मार्ने धम्की दिइएको थियो ।
भिडियो हेर्न तलको बक्स भित्र क्लिक गर्नुहोस
|
|
No comments:
Post a Comment