नेपाल सरकारलाई ११ लाख तिर्नुपर्ने डरले यी सगरमाथा आरोही २० हजार फिटमाथिको गुफामा लुके

भिडियो हेर्न तलको बक्स भित्र किल्क गर्नुहोस

 नेपाल सरकारलाई ११ लाख तिर्नुपर्ने डरले यी सगरमाथा आरोही २० हजार फिटमाथिको गुफामा लुके

 डेली मेल

बैशाख २६ – सगरमाथा चढेबापत् नेपाल सरकारलाई बुझाउनुपर्ने  ११ लाख रुपैयाँ (८ हजार ५ सय पाउन्ड) तिर्नुपर्ने डरले एक पर्वतारोही गुफाभित्र लुकेका छन् ।

नेपालका अधिकारीले दक्षिण अफ्रिकाका रेयान सिन डेभी २० हजार फिट माथिको गुफामा लुकिरहेको अवस्थामा भेटेपटि यस विषयमा पर्दाफास भएको हो ।

उनलाई त्यहाँबाट ओर्लन आदेश दिइएको छ भने उनको पासपोर्ट जफत गरी १७ हजार पाउन्ड ( २२ लाख रुपैयाँ) जरिवाना तोकिएको अधिकारीले बताएका छन् ।पर्यटकले सगरमाथा आरोहण गर्नका लागि नेपाल सरकारलाई ११ हजार डलर तिर्नुपर्ने हुन्छ ।

सरकारका सम्पर्क अधिकारी ज्ञानेन्द्र श्रेष्ठले भने, ‘मैले उनलाई बेस क्याम्पमा एक्लै बसिरहेको देखें । के भएको रहेछ भनेर उनी भएको ठाउँ जाँदा उनी मलाई देखेर भागे ।’

‘म र मेरा साथीले उनको पिछा लाग्यौं र उनी नजिकैको गुफामा लुकेर बसेको थाहा पायौं ।’‘कसैले पनि नदेखोस् भनेर उनले कोही पनि नजाने स्थानमा एक क्याम्प बनाएका थिए । ’

डेभीलाई नेपाल प्रवेशमा पाँच वर्षको रोक लाग्न सक्छ अथवा देशभित्र कुनै पनि पर्वतारोहणमा १० वर्षको प्रतिबन्ध लाग्न सक्छ ।

 आफूलाई निर्माता र निर्देशकको रुपमा चिनाउने डेभीले ६ घण्टाभित्र २३ हजार फिटमाथि पुगेको बताए ।

उनले पासपोर्ट लिनका लागि सगरमाथा क्षेत्रबाट काठमाडौंसम्मको यात्रा गर्नका लागि पैसा नभएको अधिकारीलाई बताएका छन् ।

भिडियो हेर्न तलको बक्स भित्र क्लिक गर्नुहोस